19.02.16. Чăваш Республикин вĕренÿ институтĕнче нарăсăн 18-мĕшĕнче чăваш чĕлхипе литературине вĕрентекенсен «Уçă урок-2016» республика фестивалĕ иртрĕ. Фестивале чăваш шкулĕнчен 36 учитель, вырăс шкулĕнчен 17 учитель хутшăнчĕ. Унта пирěн шкулта чăваш чěлхипе литературине вěрентекен Ефимова С.Ю. вěрентекен те хăйěн ăсталăхěпе паллаштарчě.

       Фестивале салам сăмахĕ каласа вĕренÿ институчĕн проректорĕ А.Р. Федорова уçрĕ. Вăл вĕрентекенсене чăваш чĕлхи пуласлăхĕшĕн яваплăх туйса тата хастартарах ĕçлеме хавхалантарчĕ, фестивале ирттерме ăнăçу сунчĕ.

       Икĕ кун хушшинче уявра учительсем тухса калаçрĕç,  хăйсен ăсталăхĕпе паллаштарчĕç. Итлекенсем ĕçтешĕсен урокĕсене сÿтсе яврĕç.