Уçӑ урок – 2017
Шупашкар хулин вӗренӳ институтӗнче пушӑн 1-мӗш тата 2-мӗш кунӗсенче чӑваш чӗлхипе литературӑна вӗрентекенсен «Уçӑ урок – 2017» республикӑн пиллӗкмӗш фестивалӗ хӑй ӗçне пӗтерчӗ. Фестивале 30 учитель хутшӑнчӗ. Шупашкар районӗнчен 3 çын. Вӗсен хушшинче пирӗн шкулта чӑваш чӗлхипе литературӑна вӗрентекен Ефимова С.Ю. та хӑйӗн пултарулӑхне кӑтартма кӑмӑл турӗ. Фестивале салам сӑмахӗпе филологи кафедрин доценчӗ Н.Г. Иванова уçрӗ, учительсене чӑваш чӗлхи пуласлӑхӗшӗн вӗсенчен кашни ответлӑ пулнине туйса тимлӗрех ӗçлеме хавхалантарчӗ. Икӗ кун хушшинче 23 учитель тухса калаçрӗ, харпӑр хӑй опычӗпе паллаштарчӗ, ӗçтешсен урокӗсене сӳтсе яврӗç. Фестиваль кашниншӗнех усӑллӑ пулнине палӑртрӗç.