1. Главная
  2. Пресс-центр
  3. «Пĕтĕм чăваш ачисен интернет олимпиади»

«Пĕтĕм чăваш ачисен интернет олимпиади»

         2018 çулхи чÿк уйăхĕн 15-мĕшĕнче чăваш чĕлхипе, литературипе тата культурипе «Пĕтĕм чăваш ачисен интернет олимпиади» иртрĕ.  
         Чăваш чĕлхине, литературине вĕреннин пĕлтерĕшне ÿстерес, ачасене халăх культурипе, ăс-хакăлĕпе шухăш-кăмăлĕн пуянлăхĕпе паллаштарас, шкул ачисене чăваш чĕлхипе, литературипе тата культурипе тĕпчев ĕçне явăçтарас тĕллевпе Чăваш Республикин вĕренÿ тата çамрăксен политикин министерстви тата Чăваш Республикин вĕренÿ институчĕ «Пĕтĕм чăваш ачисен интернет олимпиади» ирттерчĕ. 
         Олимпиадăна Чăваш Республикинчи тата республика тулашĕнчи вĕренÿ организацийĕсенче 5-7 классенче вĕренекенсем хутшăнчӗç. Олимпиада икĕ номинаципе иртрĕ: чăваш шкулĕнче вĕренекенсем, вырăс шкулĕнче вĕренекенсем. Уйӑрса панӑ вăхăтра регистрациленмелле, ыйтусене хуравламалла, хуравсене ярса пама ĕлкĕрмелле. Олимпиада тест формипе иртрӗ. Пурĕ 30 ыйтăва хуравламалла пулчӗ. Ачасем ыйтусене тимлӗ вуласа хурав пама тӑрӑшрӗç.  Балсем тăрăх жюри çĕнтерÿçĕсемпе призёрсене палăртать. Олимпиадăна хутшăнакансене пурне те сертификат параççӗ.  
Халлӗхе олимпиадӑна хутшӑнма кӑмӑл тунӑ 5,6,7 класра вӗренекенсене, тӑван чӗлхене хакласа хисеплекенсене, пысӑк тав сӑмахӗ калас килет. Пирӗн хушӑра призёрсем пулсан тата та аван пулма.