Чăваш Республикин вĕренÿ институчĕн этнокультура вĕренĕвĕн кафедри ака уйăхĕн 4-мĕшĕнчен пуçласа кашни кун ZOOM хушăм урлă занятисем, семинарсем, консультацисем ирттерчĕ. Кафедра ертÿçин ĕçĕсене тăвакан Анна Егорова ертсе пынипе чăваш чĕлхипе литература вĕрентекенĕсем ZOOM хушăмра уроксемпе урок тулашĕнчи ĕçсене ирттерме вĕренчĕç. Семинарсенче çавăнпекех Якласс вĕренÿ ресурсне çырăнма, унта ачасене çырăнтарма, унти материалпа усă курма хăнăхрĕç. Яклассра чăваш чĕлхипе хатĕр материал пулманран вĕрентекенсем хăйсем ресурсра çĕнĕ предмет йĕркелес, унта теори, тĕрлĕ хăнăхтарупа тест ыйтăвĕсем, хушма материала çыпăçтарас хăнăхăва алла илчĕç. Ку ĕçе пирĕн шкулти чăваш чĕлхипе литературине вĕрентекенсем те хутшăнчĕç. Халĕ семинарсемпе консультацисенче пĕлÿ пухнă вĕрентекенсем хăйсем те чăваш чĕлхипе литературине ZOOM хушăм урлă вĕренте пуçлама ĕмĕтленеççĕ. ZOOM платформа вĕренĕве тухăçлă та кăсăклă йĕркелеме май парать, Интернет уçлăхĕнче уроксем ирттерме «Вĕренÿ порталĕ» платформа пысăк пулăшу парать. Платформăра вырнаçтарнă материала вара чăваш чĕлхипе литертатура вĕрентекенĕсем темăсене районсем тăрăх валеçсе илсе хатĕрлерĕç. Пирĕн шкулти вĕрентекенем те çак ĕçе тăрăшсах хутшăнчĕç.
Муниципальное бюджетное общеобразовательное учреждение "Большекатрасьская средняя общеобразовательная школа" Чебоксарского муниципального округа Чувашской Республики
